Кор лэбзьö коляоз: Повесьтъяс (Когда цветёт северюха: Повести. На коми языке)


Название: Кор лэбзьö коляоз: Повесьтъяс (Когда цветёт северюха: Повести. На коми языке)
Автор: Мишарин А.В.
Год издания: 2016
Страниц: 272

Аннотация:
Алексей Мишаринлöн выль небöгö пыртöм «Кор лэбзьö коляоз», «Вильыд ордым» да «Шудсö быдöн ас ногыс кылö» повесьтъяс – аслыспöлöс художественнöй триптих, кöні шöр геройясöн лоöны сиктса зонкаяс Данил Марков да Вася Моторин.
Вöр-ва дорö муслун, быдтор тöдны кöсйöм вайöдіс найöс Шудöгö – вöвлöм спецпоселениеö. Сэтысь, киссьöм баракысь, найö аддзöны важ «Робинзон Крузо» небöг да сы пытшкысь мöдöдлытöм письмö. Письмöсö 1944-öд вося август 21-öд лунö гижлöма ичöтик детинка Даниел Шмидт аслас Ваня друглы.
Зонкаяс заводитасны туясьны, корсьны Даниел Шмидтлысь туйпомсö. Та дырйи найö унатор тöдмалöны важ олöм йылысь, паныдасьлöны уна виччысьтöмторкöд.
Шудöгса вöвлöм велöдысь Анна Ивановнаöн кольöм казьтылöмъясысь детинкаяс тöдмалöны, кыдзи овлöмаöсь сэні  мырдöн вайöдлöм йöзыс кольöм нэмса 40–50-öд воясын.
Сьöлöм вöрзьöдана сюрöс тыдовтчö и «Вильыд ордым» да «Шудсö быдöн ас ногыс кылö» повесьтъясын. Тані авторыс петкöдлö кык друглысь быд боксянь сöвмöмсö, верстяммöмсö да олöмын лёкыслы водзсасьöмсö.